BOP: dedicacións exclusivas e indemnizacións ós concelleiros por asistir ós órganos colexiados

A tenor da noticia anterior sobre do PERI de Corme, estivemos a curiosear uns minutos no Boletín Oficial da Provincia e demos co anuncio relativo ás dedicacións exclusivas e indemnizacións ós concelleiros por asistir a órganos colexiados publicado no BOP do 14 de setembro:

O Pleno do Concello, na sesión do 25.06.2007, acordou fixar as seguintes retribucións:

1. Dedicación exclusiva da Alcaldía: 49.000,00 €/brutos anuais, en 12 pagas ordinarias e 2 pagas extraordinarias. [José Luis Fondo Aguiar]

2. Dedicación exclusiva e parcial das áreas delegadas:

- Concelleiro delegado de Turismo e Deportes: 25.801,02 €/brutos anuais, en 12 pagas ordinarias e 2 pagas extraordinarias. [José Manuel Nuñel Costa]

- Concelleiro delegado de Infraestruturas e Policía: 31.701,46 €/brutos anuais, en 12 pagas ordinarias e 2 pagas extraordinarias. [José Pose Facal]

Concelleiros/as delegados/as de Servizos Sociais [Beatriz Martínez Fernández], Medio Ambiente [Francisco Valiña Vázquez], Sanidade [José Luis Bermúdez García] e Protección Civil e Cultura [Susana Cousillas Sánchez]: 612,50 £/brutos** mensuais, en 12 pagas anuais.

As contías sinaladas incrementaranse anualmente coa porcentaxe que o Goberno fixe para os funcionarios públicos.

3. Os/as concelleiros/as percibirán por asistir a órganos colexiados 30,00 € por sesión. Se o mesmo día hai máis de unha sesión, os/as concelleiros recibirán tan só a indemnización correspondente a unha sesión.

Ponteceso, 31 de agosto de 2007

*Entre corchetes: engadidos do editor tirados da corporación municipal vixente publicada no sitio web do Concello.

**Damos por suposto que aparece o símbolo da libra esterlina no canto do símbolo do euro por mor dun erro no programa informático OCR empregado para a dixitalización do boletín e que debería ser corrixido a curto prazo.