Ciclo de cine de humor en Corme

Esta noite, ás dez, arrinca na Casa do Mar de Corme un novo ciclo de humor organizado pola AVV Eduardo Pondal para o mes de decembro. O primeiro filme será “Ser o no ser”, película dirixida por Ernest Lubitch no ano 1942.

Sinopse: Segunda Guerra Mundial, Varsovia, durante a ocupación alemana. O profesor Siletsky, un espía ó servizo da Gestapo, está a piques de facer entrega dunha lista co nome dos colaboradores da resistencia. Joseph Tura, un actor polaco, tentará soluciona-la situación coa axuda dos actores da súa compañía facéndose pasar polo cruel coronel Erhardt e polo propio Siletsky para entrar no cuartel xeral das SS.