Anxo Quintana achegaráse o xoves ata Ponteceso

O vicepresidente da Xunta, Anxo Quintana, conmemorará o centenario da primeira interpretación do Himno galego mañán xoves 20 de decembro en Ponteceso, na compaña duns mil estudiantes da bisbarra que ofrecerán un recital poético e maila gaiteira Susana Seivane que interpretará o himno, todo elo a partires das once da mañán.

Ademáis da asistencia do vicepresidente nos actos organizados polo Concello [pode consulta-lo programa premendo aquí], Quintana prevé visita-la exposición “Os tempos son chegados” que permanecerá no Couto ata mañán e da que se teñen editado 10.000 catálogos, así como participar na ofrenda floral no monumento adicado a Pondal sito no paseo fluvial do Anllóns preto da casa do bardo.